客戶分享

打通你任督二脈~ Blogger Sally

按摩實在係人生一大享受
星期六放假,難得有老公睇住阿囡,我都偷閒去鬆一鬆先~
呢D偷返黎既時間,當然唔會好長
所以我近近地去左官塘工廠區既

Yinensis 然淙養生文化館

聽個名已經覺得好RELAX~
上到去,已經有一壼香香的花茶等緊我~
一路嘆住花茶,一路填番少少個人資料
家下要慢活呀,填慢D,填慢D~HAHA
填完後,美容師就帶我入房換衫啦~

今次我做既呢個TREATMENT
並唔係簡單的中式人手按摩
而且可以通經絡,去水腫,排毒的

雖然房仔細細,但都設備齊全
有自家毛巾,儲物盒啦
仲鋪埋即棄紙,夠哂衛生干淨~~

檸檬西柚精油刮痧(刮沙)按摩
開始之前,美容師先檢查下我既身體邊度有毛病先 再針對性咁進行按摩 而唔係坊間合埋眼就黎個D "揼骨妹"按摩

坐得多寫字樓,肩賻勞損就一定架啦~
美容師一摸就摸到我條脊骨有一節係突左出黎
而且全身既筋絡都拉得好緊~
美容師仲發現我腰間對落好多一粒粒白色
我一直以為係脂肪分佈不均或者突肥突瘦造成的
美容師話原來呢D就係氣血不通的現象
只要將身體的經絡打通番,血氣通番,呢D白色一點點就會無架啦~

美師容先幫我搽上檸檬及西柚既精油
呢2隻精油可以清潔肌膚,仲可以消除水腫及消脂,去橙皮紋
2隻精油都有很濃的維他命C,仲可以美白背部既暗瘡印添~
美容師一邊搽一邊幫我按摩,已經係一種超舒服既享受啦~
搽完後,美容師就拎出呢個好似竹筒的物體幫我刮痧(刮沙)了

以前既刮痧(刮沙)經驗就係 "痛"
通常都用塊片刮到起哂痧,尤其刮落骨位度,更加痛痛痛~
但今次呢個刮痧(刮沙)係勁舒服,勁舒服,勁舒服
我未試過,亦從來無諗過,原來刮痧(刮沙)都可以咁嘆~

美容師的竹筒其實用黎刮痧(刮沙)的養生罐
佢有少少熱,暖暖地咁~ 美容師用佢順住我既經絡黎按摩
開始時,我都FEEL到自己既經絡位好多結節,CLICK 下CLICK 下咁
但做到後期感覺已經順番好多,無咁多CLICK啦~

右邊身係做完刮痧(刮沙),明顯地個背即刻扁平左,無左手邊咁腫膞頭位既凹位就出現番呀~
之前我2邊腋窩位中間都有個雞蛋咁大既,凸左出黎既肉我都無為意,仲以為係天生架添~
美容師話我知原來係因為經絡塞左, 先會腫到雞蛋咁大~@@
而右手邊的腋窩位推通左,個雞蛋即刻唔見左了~
點解我唔係成個背紅哂? 因為美容師會根據每個客人的情況亦唔係一下子刮到全背紅就會好哂架
通經絡亦唔可以一下子就全通,要多做幾次,按部就班,直至將佢完全打通架~
做哂2邊身的疏通經絡後就黎一個更加舒服的草球按摩
草球的熱力, 將西柚及檸檬精油滲透至全身, 有效吸收及發揮精油的作用, 加速新陳代謝

全程,我差D瞓著
草球的熱力散按落肩頸呢D極之爽呀
拉緊既筋都放鬆哂~

完成後,感覺自己好似重生咁呀
唔係講笑,真係有脫胎換骨既感覺
成個人好似卸下左千斤擔咁
兩邊膞頭位即刻超輕鬆
之前成日覺得個頭好重,條頸好攰
但完成療程後,已經唔再覺得頭重重啦~
真係行步路都快D呀~
回家時FEEL到突然熱血左
好似感覺到身體入面既血液循環番咁,成個人都變得好暖
手手腳腳都唔再凍冰冰咁~
直頭好似打通你任督二脈

以前後生好鐘意返大陸按摩
但按完後幾日,都會周身骨痛,好似俾人打左身咁梗係啦,大陸個D妹妹仔下下用死力去按你D筋仲唔越按越傷咩?
但做完呢個 檸檬西柚精油刮痧(刮沙)按摩後一D都無周身酸痛只係感覺成個人都鬆哂,身輕如燕
好似將一直拉緊既橡筋放鬆哂咁美容師話夏天成日飲凍野,個人變得好濕重,最啱做呢個刮痧(刮沙)去濕
做完後幾日又真係覺得個人無咁濕重,夜晚都好瞓左,脷苔都無咁厚呀~